Trotwaer. Jaargang 27

[p. 235]

Kito Lorenc
Epitaaf foar Johannes Bobrowski
(ferstoarn 2 september 1965)

oersetting: Marten Sikkema

Septimber
Sempre adagio...

In namme (streamen)
Wy soene dy útroppe moatte
dy't juster immen
noch droegen hat.

Streamen (in namme).
De doper, neitiid
út de stream kommend,
koe net werom
de man dy't er
krekt noch doopt hie
as de Messias.
Mar hoe soe er ek?
Hy wie besteld
mei dopen.

[p. 236]

 

Streamen (in namme).

 

De man út it beverfolk -

 

seldsum hoeddedeis

 

is it seldsume wurk

 

fan de bever: kapjend

 

wylde beamstammen fan trystens,

 

bouwend oan skânzen

 

fan leafde, fan wille,

 

en altyd wer

 

yn dizze weagen fan taal

 

skeppend

 

dammen fan ritme.

 

 

 

Septimber

 

Sempre adagio...

 

 

 

In namme.

 

(Streamen. ‘Ik stek ôf mei de lêste boat’).

 

Wy sille ferkjeldzje

 

oan de streamen

 

sûnder him.