Trotwaer. Jaargang 26

[p. 176]

Troch it each fan in oar
Tiny Mulder
prime time

Safolle mikrofoans:
Hjir is wat moais te fangen
foar prime time oere
mei in grut publyk.

In dwaas fertelt
syn dreamen en gesichten.
't Giet oer in nije ierde,
feilich en fertroud
foar minsken, blommen, bisten
en dêr't hy alfêst oan bout

Mar midden yn 't ferhaal,
wylst er skilderet
it hearlikst fisioen fan lok,
komme de triennen,
ropt er om help, om moederaasje.

De wize wrâld draait troch
lyk as er draaide.
Der wie wer in kertier
ferdivedaasje.

Ynspirearre troch De lêste dwaas ferhellet fan Henk Krist - Trotwaer 1994, nûmer 3