Trotwaer. Jaargang 26

[p. 140]

Oene Spoelstra
Opnij

Earst seach ik oer de dingen hinne
Gjin kleur gjin ljocht gjin blide sinne
Allinne loft en helske stien op ierde
It swarte fjoer trochkringt de ierde djip

Mar lang om let nei wachtsjen en gâns tiid
Brekt ynsjoch troch oer djipten en bestean
It sicht nimt foarmen oan, it toant de wiere aard
Fan wat net te beneamen is en net te kearen

Oan lange linen leit it libben fêst
Fynt anker yn de tiid
En rêst

Ynspirearre troch de ets/kollaazje fan Sonja Burgerjon - Trotwaer 2, 1994.

[p. 141]

 

A

 

Wa't ien kear kiest foar swart fynt noait gjin kleur.

 

Syn loft bliuwt griis

 

syn sinne

 

falt

 

foardel

 

Ierde ta ierde

 

 

 

B

 

Wa't ien kear kiest foar loft ferliest it sicht

 

Djipte wurdt wei

 

de grûn ferjit

 

har grûn

 

Libjen ta swijen

 

 

 

C

 

Wa't djipte fynt troch grûn en minske hinne

 

Wat sjocht er oars

 

as linen

 

dy't fergean

 

Ferjitnis - Ivich swijen

Ynspirearre troch de ets/kollaazje fan Sonja Burgerjon - Trotwaer 2, 1994.