Trotwaer. Jaargang 24

[p. 169]

Ellin A. Nickelsen / Marten Sikkema
Unthjit

Asto honger hast
kinst ta my komme
krijst dyn gerak

asto wurch wurdst
bist my wolkom
ûnder myn dak

Mar besykje nea

my te finen

is de dei ferrûn

dy oan my te binen.

Binn' dyn tinzen tryst
klopje by my oan
fynst treast by my

bringt de noardewyn
sniejacht, kom deryn
en waarmje dy

Mar bliuw hjir nea

oant 't opgean fan 'e sinne

ferlit my sûnder fraach

en sliep by nacht allinne.