Trotwaer. Jaargang 24

[p. 168]

Ellin A. Nickelsen
En ferspreegen

Wan dü hongrig beest,
könst tu mi kem
an drank an iidj

skulst treet dü wees
beest dü hir welkimen
min taag as widj

Dach schük nimer

mi tu finjen

wan a dai as gingen

an min hart tu binjen.

Kem suart toocher di
klope jin min döör
ik skal di treest

brangt nuurdwinj sne
bad ik di iinbanen
dü tärst ei frees

Man bliiw nimer

bi't tu't iarst laacht

gung ufsteed saner fraag

an lei alian bi naacht.