Trotwaer. Jaargang 24

[p. 167]

Ellin A. Nickelsen / Marten Sikkema
Watsto wolst

Ik bin foar dy allinne bleaun

wat wolsto mear

haw út de djipte omheech my treaun
ik dûnse op diggels dat it snie
mar 't die dy neat wat ik mar die

wat wolsto mear

wat wolsto mear

Ik koestere myn langst sân jier

wat wolsto noch

tesnie tebaarnde read my 't hier
reizge dy nei de wrâld yn 't rûn
mar dêr't ik kaam wiest krekt ferdwûn

wat wolsto noch

wat wolsto noch

Ik ha my bûgd ik ha my bûn

dat wolsto wol

mysels en oaren leagens spûn
myn lijen 'k tocht deryn te bliuwen
mar learde inkeld 't wei te triuwen

dat wolsto wol

dat wolsto wol