Trotwaer. Jaargang 24

[p. 153]

Ellin A. Nickelsen / Marten Sikkema
Tiidstream

Krekt wiene de ôfskiedstriennen droege
doe wie ik al yn 't wetter sprongen
en fan in krêft'ge ebbe waard ik
nei nij lân en libben twongen.

Ferlern is dêr't myn herte oan hinge,
ik wit net mear wat frjemd, wat nei
myn âlden, freonen, doarp en sprake
ferdiizje as tinzen op myn wei.

En werkomst hjir betsjut gjin bliuwen,
fan dy't hjir tahâldt en dy't gong
rûn 't deistich libben stiloan fierder
sunt ik dy deis yn 't wetter sprong.