Trotwaer. Jaargang 24

[p. 152]

Ellin A. Nickelsen

Tidjstruum

A ufskiastuaren wiar knaap drüget
do wiar ik al tu weeders sprüngen
an faan kreeftig eebstruum wird ik
tu nei lun an tiidjen twüngen.

Ferleesen as huaruun min hart hingd,
witj ei muar, wat as freem, wat nai
min aalern, frinjer, spriik an taarep
fersweem tu toochter üüb a wai.

An wälerkemen hat ei bliiwen,
för jo aran üüs uun a freem
as't leewent stödig widjergingen
sant ik tu weeders sproong an sweemd.