Trotwaer. Jaargang 24

[p. 135]

Ingwer Esmarch / Klaas Bruinsma
hoeder sûnder hûs

hja hawwe my myn dak ûntnommen
en neat dêrfoar yn 't plak wer set
yn waar en wyn stean 'k as in beam no
dy't neat gjin romt' te groeien het

hja ha myn muorren my ûntnommen
en plak te skûljen haw ik net
'k bin as in eilân mids it wetter
dêr't weach nei weach oan d' igge fret

hja ha myn balken my ûntnommen
gjin stipe litten dy't my skoarret
ik lis yn pún en wachtsje op
de hân dy't achtleas my fergarret

hja hawwe ek myn tsjerke nommen
dêrfoar in skoalle sette litten
ta wittenskip en ‘foarming’ twongen
my mei myn leauw' allinne litten

lykwols myn moed ha hja net fûn noch
myn boarne dy't in stien beslút
dy lit 'k my fan gjin ien ûntnimme
dêr wâlje frij myn tinzen út