Trotwaer. Jaargang 24

[p. 134]

Ingwer Esmarch
jörder suner hüs

ja hääwe me man tååge nümen
än ninte deerfor haaneläid
stönj as en buum önj win an wååder
wat nån rüm tu graien fäit

ja hääwe me min uuge nümen
än ninte mär tu schöölen leet
ban as en håli made't wååder
weer woog am woog e kånte freet

ja hääwe me min büüljke nümen
me laaslüüs iinjfåch lade leet
as stiinjgröis lad ik ålewäägen
lör aw jü hönj wat me baienouder seecht

ja hääwe uk min schörke nümen
än schoule deerfor haaneseet
tu ‘waasenschap’ än ‘bildung’ twüngen
me ma man luuwe åliine leet

man mötj di hääwe's nuch ai fünen
min kööling börjen uner e stiinj
di lätj ik me foon nümen leefte
foon heer lätj ik min toochte fliinj