Trotwaer. Jaargang 24

[p. 128]

Ingwer Esmarch
Åål

Sani uuge da iirnge ätj
foue måcht ouer hääre, kroop an hönje.
As'r uk ai aw foole önjt laawen ferlätj,
da iirnge doue wat's mönje.

Duch naie's ai ma åles üt,
deer blaft uk nuch wat fri.
Da toochte wårde oofting brükd
än kaame tu tids ålten wi.

Sü jeewe da iirnge de uk måcht.
Döör din belaawen än din waasen
koost dü me weese as en jåcht
önj min nuch ünklåår laawen.

Din jöögd läit ål lung tubääg,
duch koost dü's tu de hååle.
Ål as de tänjt än as dü wäät,
koost dü schafte önj maning wrååle.