Trotwaer. Jaargang 24

[p. 120]

Ingwer Esmarch
Wan e win wait

Wiist dü weer e win wait,
weer wääg am wääg sin gåålen klångt
önj e junke ma san sungt.

Ma e win hääw ik süngen:
Min lingen eefter de bliif önjt heef
for da jarste stroole wat am mjarnem ouer e kiming kriipe.
For di, wat as en hiiföögel me fjard döör e mist.
Önj e snii, wat am mjarnem nuch niinj spoore häi foon rökefloose,
än aw kuuchsweege made dåt sooken wat gjarsed
hääw ik et leet.
Tu e eewie moune,
wat huuch ouer e wulkene stoomt
as en iiljtörn
än önj e flödj,
wat iinj e dike sloit
än büte blaft.
Ik hääw dåt lingen eefter de tubääg leet.
Dåt schölj me ai fååse füünj
än me ai fåsthüülje
ine bai da üülje
weer aw e scheew läit
schäipeul än tååderbrai.