Trotwaer. Jaargang 24

[p. 65]

Frits van der Kuip
Op sâlte streamen

De see hat him weromlutsen.
Under in feal lekken fan middeiswaarmte
leit as in foldiene frou it waad te sûzjen.

Mar jûn sil de brâning deroer hinne brûzje.
In seehûn glêdbuket oer it weake sân,
plûmpt roppich yn 'e folrinnende slinke.

Om my hinne moksels mei de skulpen iepen.
En yn einleas dúnjen lit 'k my driuwe
op 'e sâlte streamen fan it lok.