Trotwaer. Jaargang 21

[p. 217]

Cornelis van der Wal

Begripend each

En yn myn lulkens de wierhyd, ek
de drakelucht
fan myn kreake kearn
liet skodzje de trilbek
fan debilen.

Fanút it leauwe yn werberte
soene jimme eins allegearre tsjin 'e muorre
siedzje moatte, eksekúsjeklimplant
sûcht har fêst
oan it befel fan bonken.

O, it sêfte brún of blau
begripend each, it knyft deryn!
Ik hakje mysels
út in rots fan beferzen koarre;
útstalling, begripend each.

[p. 218]

Myn jonge master

De oanbidder bisto fan myn bierbealch.
Slaaf fan it hanthavenjen, hjir bin 'k wer
yn 'e smelle steich, dêr't ik myn jonge master

fûn. Knope dyn oranje oerhimd âldmannich
triljend iepen, tute myn spegel yn 't ferline
fleis. Dyn skouders mei 'k besette en dale.

Fansels silst wêr't ik wenje wolris
ferjitte, lykwols stek no leafst dyn wrede
tonge yn myn holle kiezzen.