Trotwaer. Jaargang 21

[p. 138]

Harmen Wind
Bûten de buorren

I. Utsicht

Sneins wie De Lege
Midden wyt fan moark en
giel fan djerreblommen.
It tilde op fan fûgels en
har sjongen oer it hear.

Boppe It Pean dreauwen de
wolken klear dêr't Jezus
op weromkomme soe. It wie
sa't it derhinne lei, dêr
koe men wis fan wêze.

[p. 139]

II. Wûnder

Us heit syn wurk: hy
sette oan de Prikkedyk
sân nije buorkerijen.
Ik seach hoe't er
yn bylden spruts.

Hy ried my der foar
wûnder yn, neat koe
my keare efter heit syn
rêch, oant ik myn foet
tusken syn speaken stuts.

III. Rekkendei

It hânskrobbersnêst oan
de Sodommermar. Wy knibbelen
om it hillichdom foar trije
wite piken. Oer ús farde
de âlde mei 't alsjende
each op ûnbidige wjukken.

En op 'e weromreis
yn it stikeltried
feroare ik yn fleis
dêr't noch libben yn siet.