Trotwaer. Jaargang 19

[p. 206]

Josse de Haan

Tramhalte

hoesto rûnst
sitten gongst
sykjend
op dyn teannen

beferzen glim
dy't ik útteide

[p. 207]

Winter yn A.

de kerlen fan myn liif
binne goed te drinken
better noch te iten

de súdeaster skjirret as in rasp
oer myn droege tosken

it friest ljocht

[p. 208]

Lûp

op it oerflak fan de taal
skampe de wurden ôf
ketse de betsjuttingen opelkoar

lang om let baarnt de lûp
in lyts en nijer gatsje
dêr't wy lizze en wachtsje

no it sâlte wetter noch

suvering oant de bonke

[p. 209]

Droege wask

der sylt in simmer om it hûs
twirren falle troch de iepen finsters
ik plôkje de plúskes mei myn tonge
priuw de tinzen en dy heteronime wurden

it toutsje tusken dyn kearsen is ferdroege
moarn hingje ik in oare en nije wask
skoarje dyn boarsten yn myn losse hannen
al it oare komt letter wol as sûchnettel