Trotwaer. Jaargang 19

[p. 173]

Lina Kostenko (berne 1930)
Leave Santjin
In licht sonnet

Lokkich is hja, want hja is santjin jier
En alderivichst moai, want hja is santjin.
Al sjocht hja hjoed tafallich net sa blier,
Dat binn' de jierren ommers, leave santjin!

De nachtwyn rûst en knoppen stean yn 't antsjen:
Dat kin har efkes oandwaan, sikerwier!
Mar och, it is noch mar in binnenbrantsje
En foar de grutte lôge fierste ier!

't Let neat, al sit hja efkes yn 'e pogge
Omt hja fan him hold mar hy net fan har
-Hy seach har net en naam in oar foar kar-
It binn' de jierren ommers dy't it dogge.

Al sjocht hja hjoed tafallich net sa blier,
Lokkich is hja, want hja is santjin jier.

(Freark Dam)