Trotwaer. Jaargang 15

[p. 288]

Lance Henson/Jelle Kaspersma
Trilogy fan in kriichsfolk

De hjir printe oersettingen binne in priuwke út de blomlêzing mei yn it Frysk oerset wurk fan yndianen út Noard Amearika. Dy blomlêzing sil, as alles goed giet, yn 1985 ferskine.

Lance Henson stiet mei ien skonk yn 'e jachtige wrâld fan 'e blanken, en mei de oare yn 'e sletten mienskip fan 'e Southern Cheyenne. De spanningen dy't sa'n sitewaasje boppe wetter hellet, kin men yn syn fersen weromfine.

1

fan de bergen ôf komme wy
wy ferheffe ús stimmen om de prachtige
libbenswei dysto jûn hast

wy binne it bison folk
wy wenje yn it ljocht fan ús heit sinne
yn it skaad fan ús mem ierde

wy binne it prachtige folk
wy swalkje sûnder eangst oer de grutte flakten
yn ús dagen hat it lân ús ienwêzen leard
wy allinnich azemje mei de rivieren
wy allinnich hearre it liet fan de stiennen

[p. 289]

 

2

 

 

 

o geast dy't my folget

 

fyn yn my krêft om de wiisdom te kennen

 

fan dit libben

 

 

 

bring my nei de berch fan myn pake

 

ik haw him de hiele nacht

 

sjongen heard tusken de simmerblêden

 

 

 

3

 

 

 

grutte geast (makeo)

 

 

 

meitsje my sûn

 

ik bin dizze dei mei myn geast kommen

 

ik bin net benaud

 

want ik haw yn in fisioen

 

de wite bison sjoen

 

dy't gersket yn it beterzen fjild

 

dat waakst njonken de folsleine sirkel

 

fan dizze

 

wrald

[p. 290]

Vi o zi hi danni

ni voo da zi ah mi ni hi oo mo mi yoo/ni hi ah mi ni zi hi go do mi do/ah doo noo i hoo zi zi vi na ma daa i vi/ni ya mhoa no zi ha boi zi zss gi o ah ssiiss/vo huga si ni sstoo dozi/na ni mi i dan no no do di ssi i yh ono/ni mi ah nozi ni ah zi no zi/ni ni yo zi kho da i do ti sstoo zi/ni noo i ah i hoo ssta vi/na hi go ssi mauo i ni stoo hi yoo

kriichsman

do sjochst yn in fisioen datst op in paad bist
do giest oerein wylst dyn stilte meidraachst
ûnder deselde beammen deselde bosken

do giest deselde skimerige lampen bylâns
en do witst wer dat it dyn heiten binne

do fynst dyn hannen op 'e plakken
dêr't freze tahâldt

do sitst njonken it fjoer
wylst de yntsjes sjonge