Trotwaer. Jaargang 14

[p. 276]

Sjoerd Palstra
Kom, hearen, kom

In hânfol B complex forte,
imipramine,
temesta dyta urese
carbamazepine.
Labaz en Geygy
goed foar koffeine?

‘In skeinde húshâlding’
seit ús dokter.

Wol freegje ik my ôf:
hie er dit net noch wat kompakter
sizze kinnen?

en sis tsjin de bern:
‘Jonges, it swilk oer de tafel
dochs mar de kearsen oan,
fiif earms,
wy ite lekker,
it is feest
mei de gerdinen ticht,
dan bliuwt de sinne bûten
en is it krekt Krysttiid’.

Labaz en Geygy ferljochtsje
ús tsjuster,
kom, hearen, kom.