Trotwaer. Jaargang 10

[p. 251]

Milkweed

dyn bloed mongen mei loft
hâldt de wrald byinoar,
de bôge sjongt
al by in suchtsje wyn
mei dyn tried

dyn griis-griene blêdden
binne seinen fan in freonlik kamp,
en dan falt dyn sied
fleurich
lykas de earste snieflokken,
en dyn lege hûlen wurde makke
ta rattels,
of troch de bern opsocht
om kano's to wurden
mei grintstiennen as passagiers
dy't meinommen wurde nei fiere lannen,
en nou risselje dyn gielwurden blêdden
mei de musyk
fan in oare snie
en dyn sie
leit to sliepen.

Peter Blue Cloud, Blind Shady Creek, California oktober, 1974.

[p. 252]