Trotwaer. Jaargang 10

[p. 204]

Hwannear giet de lêste boat nei Alcatraz

(foar Richard Oakes)

Hwannear giet de lêste boat nei Alcatraz?

Ik hear de misthoarnen en de iensume mokken.

Hwa is skipper fan dy lekke tobbe,

de ‘Broken Treaty’,

en hokfor minsken tromje en sjonge

nou op dy skyldpod?

It wurdt hjir tsjusterder, yn dizze bosk.

Hja bisykje my to fortellen dat myn broer dea is.

Ik laitsje en myn laitsjen wjerkeatst,

tusken dizze redwoods

wyls myn ynderlik ljocht dertroch brutsen wurdt.

Ik laitsje en laitsje en hear in pistoalskot,
it is in losse stien dy't falt fan

it klif fan Alcatraz.

In ienlike bear rint oer de biboske bergen

fan Pomo-lân, fan Pit River-lân.

In greate bear, hwaens lilkens soms

in ierdbeving

fan freonlike tonger wurdt.

Hwannear sil it lêste fordrach skreaun wurde?

It is tsien tellen foar Amerika, 1976

It wurdt jimmeroan tsjusterder as de loft-earn
syn greate flerken

oer de sliep fan myn broer teart,

It is winter en de gletsjers glydzje

op de stêdden ta.

De havens frieze ticht en de sleep -
boat ‘Good Citizen’ sit yn'e falle

tusken Alcatraz en mythe.

It is kâld en sels de temperatuer

fan it ûnthâld

giet stadiger

[p. 205]

 

De azem fan dy ienlike bear

 

snúft lûd

 

tusken de hege redwoods.

 

 

 

Hwannear giet de lêste boat nei Alcatraz?

 

(It wie sa kâld en wiet,

 

der wie sa'n bytsje to iten,

 

it laitsjen fan de bern.

 

De mist dêr bringe wy ús noch to binnen.

 

Wy boarten skaedspultsjes.

 

Tichte by de waermens fan it fjûr de strakke need

 

fan de tromme

 

en ús eigen need -

 

in waermte fan dounsjen.)

 

 

 

Sokke frjemde fisioenen op dy rots.

 

Hea, ja,

 

dit binne dan einlings

 

triennen.

 

 

 

Der waerd my sein om nea wer dy namme to neamen, en

 

om fan oare eilânnen to dreamen,

 

ynsté derfan dream ik

 

fan in bear

 

dy't net ienlik is, mar

 

dy't stadich en swier dounset.

 

 

 

Myn broer, Stands Tall is syn namme,

 

wy winskje nou dat syn reis

 

yn frede wêze sil.

desimber 1972.