Trotwaer. Jaargang 10

[p. 200]

Alcatraz

Wyls de wjerljocht ynslacht yn de Golden Gate
en it fjûr troch de strjitten fan de stêd dounset
snottert in Navaho-bern om it lûken fan it tij
en Sioux en Cheyenne dounsje dimmen oer de groun.

Moarn dounset mei yn it hert fan myn skaed
en in stam is in eilân, en in stam is in eilân,
en silhouetten binne de Katchina-dounsers
fan myn prachtige folk.

Hert en himel en geast
binne skreaun yn de libbensomgong fan in tromme
en in stam is in eilân, foar ivich,
wy hawwe altyd in eilân west.

As wy ús dreamen oer earnen sliepe,
is in stam in eilân
en in stam is in folk
yn de ivichheit fan Coyote syn berch

nov. 1969