Trotwaer. Jaargang 7

[p. 282]

Berber v.d. Geest
Hjerstnúnders

Kastanjebeam

as in kening droech er syn mantel
folop grien yn folle pracht
hy pronke útsonderlik
de sinne lake

mar doe kaem hy
de hjerst
dêrnei de bern om fruchten
en doe de wyn
sûnder bigreatsjen toroppen se syn mantel
nou stiet er neaken sûnder forwar

noch stouwe blêdden
my foar de finsters lâns
de wyn gûlt
de rein slacht del
it rint al nei de koartste dei

[p. 283]

Ûnrêst

de wyn skuort
en troch de finsters
fan myn gedachten siicht it
ik huverje
myn djipste ik forweecht

hoeden lûk ik de kleden ticht

[p. 284]

Stoarm

de wyn hat macht
en slacht my tsjin 'e lea
ik strampelje
sels it lânskip kin har theoryën
net steande hâlde
en bûcht biskamsum de holle

[p. 285]

Faeks

faeks wie it goed
dat in fikse novimberstoarm
ús lea biroerde
en dat ús lyk de beammen
de blêdden fan it lichem foelen

neaken toanden wy dan ús karakter