Trotwaer. Jaargang 7

[p. 280]

Bartle Laverman
Twa oansetten ta in fers

1.

tink ris nei by de stappen
dyst setst
en dû bliuwst hingjen
it driuwt net mear

né net yn 'e stoel
mar tink ris by hwatst' sjochst
en dû hoegst net mear
dû bilibbest alles al

trien yn it each
laits om 'e mûle
mar djipper net
dû bist gjin heinderbal

it skeint to gau

[p. 281]

2.

men smyt de lapen gear
faeks komt der noch in jas fan

mar fynstû ea dyn lapen wer
de jas forsliten is?

komkom, dat sjochstû dan wol wer
in skûlplak nou
de waermte nou
de kjeld dy is foar letter