Trotwaer. Jaargang 7

[p. 286]

Eppie Dam
Twa fersen

It brechje fan Kollum

daegliks bûge hja de koppen
oer de lining fan dit brechje
drage de spoaren
fan ûnbidige winters
en stribbige groun

wylst it nôt wer ripet
yn har smeudige petearen
is dêr ek de âlde rook fan hea-
de sinne skynt
as yn syn bêste jierren

mannen út de tiid
fan goedkeape tabak,
dambuorden, jonnen, stiltme
dêrby-teffens in
oarloch of twa en

oangeande dat
bifangt har it swijen
dat har deaden la libben ropt-
de pine is der dan om dit doarp
yn in eardere steat:

út en troch
flibe la oantinken, skûm
op it wetter dat langsum
syn wei fynt nei de slús
fan Dokkumer Nije Silen.

[p. 287]

Doarpsomropper

it wurd
út mûle fan
de doarpsomropper
wie waermte foar de biwenners
fan dagenlange stiltme

goedkeape fisk
woe doe noch flot oan 'e man
wylst pleatslike doelpunten -dy
oesterhurde punters noch- mei lûd
fan jong en âld forwisse waerden

oant immen
it hearde:
hy raest boppe syn stim
syn bel let
oare tiden yn

en yndie-
in ‘geluidswagen’ op 'en paed:
fleisprizen omheech
en de club kombinearet safe
nei O-O.