Willem
Int oest hende van Vlaendren
Int oest hende van Vlaendren staet
Een bosch, ende heet Hulster Loe.
Coninc, ghi moghet wesen vroe,
Een borne heet Krieke Pit.
Gaet zuut west niet verre danen.
Heere coninc, ghine dorst niet wanen
Dat ic hu de waerheit yet messe.
Dats een de meeste wildernesse
Diemen hevet in eenich rike.
Ic segghe hu oec ghewaerlike,
Dat somwijlen es een half jaer
Dat toten borne commet daer
No creature die hevet lijf,
Sonder die hule entie scuvuut
Die daer nestelen in dat cruut,
Of eenich ander voghelijn
Dat daer waert gherne wilde zijn
Ende daer hi avontuere lijdet.
Ende daer in leghet mijn scat ghehidelt.
Verstaet wel, ditte es hu nutte:
Die stede heetet Krieke Putte.
Willem, circa 1250
Van den vos Reynaerde, hs. A, v. 2574-2596, ed. J.D. Janssens, Davidsfonds, 1991.
Auteursrechtelijk beschermd