Dit is die tafel vanden Groten Lancfranck

[LXIX] Dat seste capittel is van brekinghe der benen ende der dyen

Als die dyen ende die benen te broken sijn jof enich vanden benen van alden voeten, dan salmense cureren alst voerseit is int

[fol. 142r]

naeste capitel vanden armen sonder als dat been to gader is gevoget ende gespalket. Dan salment doen in een houten vorme ghemaect achter die schepnisse vanden been dattet been niet en soude ontzwingen. Oec sal die sieke leggen altoes up sijn rugge tote dattet been is gheheel. Ende altoes moet men wachten dat dat been te broken niet en blivet langere noch kurtere dan dat ghesonde been, mer altoes suldi meten beide die benen ende houden altoes in de selve langheide.