Dit is die tafel vanden Groten Lancfranck

[LXVI] Dat III capittel is van brekinghe des caenbens of de fruculen der borsten

Als die caenbeen is to broken ende dat niet ontsincket dat een onder dat ander, dat is zwaer weder to setten. Ende als die stucken sijn enen effene, dan salmen up die stede leggen een cussineel wel ghemaect van stoppen ende ghenet mit water vanden eye ende bijndent daer up. Ende dan salmen hem doen dragen sijn arm an sijn hals gebonden ende leggen onder dat oxle een ronde bolle van clederen so dat de scouderen ende die arm niet en mogen sinken, ende aldus salment houden tot dattet is ghenesen. Ist dattet een stuc is scoten onder dat ander, dan sal een persoen up lichten den arm mitter scouderen ende recken ende die ander sal staen andie ander ⁵³³ side ende trecken dat hovet ende den hals. Ende die meister sal mit sinen handen die beenren to gader voghen. Dan salmen daer up legghen een ghenet cleet in helende medicinen ende dan daer up legghen cussinelen van stoppen ghenet int wit vanden eye ende dan daer up II spalken overcruus.

533 Hierna ‘di’doorgestreept.

[fol. 139v]

Ende dan bijndent ende bijnden den arm an den hals tote dat het is ghenesen.