Dit is een suuerlijc boecxken
(1957)–Anoniem Suuerlijc boecxken, Dit is een–
Auteursrechtelijk beschermd¶ Dit liedeken gaet op die wijse. Och die daer iaecht27.1.
ICk hebbe gheiaecht
mijn leuen lanv
al om een ioncfrou schone.
die alder schoonste wijngaert ranck
die is in shemels throne.
si is met enghelen so omset
| |
[pagina 88]
| |
ic en can daer niet bi comen
dat hebben mi mijn sonden belet
des wil ic mi onturomen
27.2.
¶ Ic ben verdwaelt in deser nacht.
die werelt heeft mi bedroghen
ghenoechte heb ic so seer gheacht
mijn waen heeft mi beloghen
rijcheyt ende eer heb ic ghemint.
ende ydelheyt vercoren
al iaghende ben ic aldus verblint
en heb minen wech verloren.
27.3.
¶ Ic wil opstaen tes meer dan tijt
ende soeken hem alleene.
der maghet sone ghebenedijt
ihesus ist dien ic meene
hi is den wech alsmen verclaert
ic wil mi tot hem keeren
den rechten wech ter maghet waert
sal ic aen hem leeren
27.4.
¶ O ihesus heer nv bidde ic di
al wt mijns herten gronde
| |
[pagina 89]
| |
van sonden wilt mi maken vrij
nv ende tot allen stonden
laet mi die waerde moeder dijn.
met suuerheyt aenschouwen
doer haer wilt mi ghenadich sijn
want mi mijn sonden rouwen
27.5.
¶ Der engelen vrouwe wilt op mi slaen.
uwe ontfermhertighe oghen
ic heb so swaerliken mesdaen
des lidet mijn herte doghen
ghi sijt des sondaers toeuerlaet
ende onderstant den armen
ghi sijt die ghene daert al aen staet
wilt doch mijns ontfarmen
27.6.
¶ Vrienden maghen ende schat
die willen mi beswiken
scriftuere die bewijst wel dat.
ic moet van haer gaen striken.
och moeder gods wilt mi bistaen
als ic sal moeten steruen
want elc sal loon na werc ontfaen
| |
[pagina 90]
| |
wilt mi ghenade verweruen
27.7.
¶ Och die dit liedeken eerstwerf sanc
was seer ghequelt van binnen
sijn vlees was hem gemaect so cranc
dat hi flaeu is van minnen
ihesus die dranc den bitteren dranck.
aent cruys om smenschen leuen
bescermt ons vander hellen stanc
ende van dat eewighe beuen
|
|