Dit is een suuerlijc boecxken
(1957)–Anoniem Suuerlijc boecxken, Dit is een–
Auteursrechtelijk beschermd
[pagina 61]
| |
18. aant. | |
Op die wijse Van die leeraer opter tinnen18.1.
HOoe [hoe] luyde riep die siele
tot god van binnen
o heer almachtich vader goet
wat sal ic nv beghinnen
dat lichaem beswaert dat herte mijn
o heer wilt mijns ghenadich sijn
dat vleesch wil mi verwinnen
18.2.
¶ Als dat lichaem
die siele dus hoorde claghen
si sprac o edel siele mijn.
waer om wildi versaghen
scout des bosen viants raet
en laet dees valsche werelt quaet
ghi sult god wel behaghen
18.3.
¶ Die siele sprac
ic soudet gerne volbringhen.
mer ghi o valsche lichaem mijn.
en willes niet ghehinghen
natuer en ghi / ghi doet mi pijn.
nochtans so moet gestreden sijn
| |
[pagina 62]
| |
ic en can v niet bedwinghen
18.4.
¶ Dat lichaem sprac
o siele die heer der heeren
heeft v gegeuen sin en list
om dat ghi mi soudt leeren
god heeft v gegeuen reden en sin
om mi die tot quaet gheneyghet bin.
dat ghi mi soudt regereen
18.5.
¶ Die siele die sprac
och mocht mi dat gebueren
dat ic mocht steruen ghelijc als ghi
so leefdic sonder trueren
mer als ic voer doordel gods sal staen
en daer na wercken loon ontfaen
so moet ict al besueren
18.6.
¶ Dat lichaem sprac
als ghi dit weet te voren
so wie hem seluen al willens wont
of treet in eenen doren
wie sal hem beclagen dat vragic di.
ghi moetet sorgen oec voer mi
| |
[pagina 63]
| |
oft wi bliuen beyde verloren
18.7.
¶ Die siele die sprac
lichaem ghi moet wel sorghen
want als so coemt die bitter doot
wie sal v dan verborghen
wat sal v dan helpen v weelde groot
dus moeti sorghen het is v noot
ghi en hebt doch ghenen morghen
18.8.
¶ Dat lichaem sprack
moet ic oec steruen leeren.
ende ic en weet doch ghenen tijt
waer toe sal ic mi keeren
die werelt die toont mi vrolicheyt
natuere die is daer toe bereyt.
hoe sal icse moghen verheeren
18.9.
¶ Die siele die sprac
o lichaem snode van weerden.
waer op so verlaet ghi v
wat wildi hier aenueerden
hoe dordi bedriuen eenich solaes
arm stinckende vlees der wormen aes
| |
[pagina 64]
| |
ghi moet doch inder aerden
18.10.
¶ Dat lichaem sprac
moet ic inder aerden
och here god van hemelrijck.
hoe mach ic mi verblijden
mi rout so seere mijn leuen quaet
o edel siele nu geeft mi raet
ic wil mi leeren liden
18.11.
¶ Die siele sprac
wildi v tot duechden geuen
so sullen wi comen ic ende ghi
int eewelike leuen
daer blischap sal wesen emmermeer.
en sijn dan verlost vant eewighe seer
daer men eewelic sal leuen
18.12.
¶ Dat lichaem sprac
ontfermt god onser beyden
mi ende die edel siele mijn
en wilt ons doch gheleyden
wilt doch bewaren die siele van mi
maect dat v ons leuen behaechlic si
| |
[pagina 65]
| |
wanneer wi moeten scheyden
|
|