Schriftuerlicke liedekens met noch sommighe lofsangen ende ghebeden

[Wreetheyt noch pijn so groot]

Na de wijse: Al waer ick half doot.

WReetheyt noch pijn so groot
My ^aschricken doet noch beven
Want mijn liefste minioot
Sal my ^beewich doen leven
Noch oock t'eenighen tijt begheven
Ick sy beangst cranck of ghesont
Tot allen stont
Hout hy my zijn ^cverbont met liefde doorwont.

Mijn hert siel ende lijf

a Psal.27.1. ende 112.5.7

b Aba.3.19.
Ioan.5.24. ende 8.51. ende 11.25.

c Dan.9.4.

[fol. 320r]

 

Rust ^dvast op zijn ghenaden

 

Gheen schepsel cleyn noch stijf

 

Mach my deeren noch schaden

 

Hy weeret van my alle quaden

 

Gheen vervaerlickheyt noch verdriet

 

Can ^escheyden yet

 

Van de liefde in Iesu Christo gheschiet.

 

Mijn lief ^fheeft my ghetrout

 

En heb van hem vercreghen

 

Heylicheyt menichfout

 

Volmaectheyt in zijn weghen

 

Die al mijn ^gbevlectheyt wt veghen

 

Zijn schatten en verdiensten fijn

 

My eyghen zijn

 

En hy neemt ^hop al de ghebreken mijn.

 

Al schijnt somtijts certeyn

 

Sijn gunst tot my versteken

 

En ick te zijn alleyn

 

Verlaten in ghebreken

 

Dat zijn maer amoreuse treken

 

Want hy my dan ⁱproeft en castijt

 

Tot mijn profijt

 

Doch als zijn ^kooghappel wacht t'alder tijt

 

Hy is voor my ghewis

 

Wie mach my wesen teghen

 

Dien niet ghespaert en is

 

Maer voor mijn quade pleghen

 

Over ghegheven is te deghen

 

Hy is die my heel onghelaeckt

 

Rechtveerdich ^lmaeckt

 

Wat beschulding' isser dan die my raeckt.

 

Hy heeft den ^mdoot ghesmaeckt

 

En is daer van ⁿverresen

 

Hy heeft ^oGods toorn gheslaeckt

 

Niet heb ick dan te vreesen

 

Niet en mach my hinderlick wesen

 

Want hy diet ^pal in zijn bewint

 

My meer bemint

 

Dan doch ^qeenich moeder haer liefste kint.

d Psal.13.6 ende 23.6.
Dan.9.18.

e Rom.8.35

f Ose.2.18.
Ezech.16.8.

g Esa.44.22.

h Esa.53.4.
2.Pet.1.19.

i Iob 5.19.
Pro.3.1.
Heb.12.6.
Syr.2.3.

k Sach.2.8.
Psal.17.8.
Rom.8.31.

l Esa.50.8.
Rom.8.33.

m Rom.5.6.

n 1.Cor.15.4

o Act.2.24.

p Psa.8.7.
Matt.11.27
Ioan.17.2.
1.Cor.15.27

q Esa.49.15

[fol. 320v]

 

Desen ^rPrince des vreedts

 

Mijn ^ssiel bewijst danckbaerheyt

 

Aenneemt en aenhoort steedts

 

Zijn Goddelick woort en waerheyt

 

Werpt al u druck en ghevaerheyt

 

Want vol trouwen ^tsachtmoedicheyt

 

En goedicheyt

 

Is mijn lief, en blijft sulcx in eewicheyt.

r Esaie 9.5.

s Psal.103.1

t Psal.85.11 ende 120.7.