Schriftuerlicke liedekens met noch sommighe lofsangen ende ghebeden

[Vele zijn so verdooft]

Na de wijse: Ick heb ghesien den tijt, Waer mach hy zijn gevaren.

VEle ^azijn so verdooft
Het is seer te beclaghen
Van haer wijsheyt berooft
Dat sy sonder vertsaghen
Om hoocheyt te bejaghen
Gods woort verachten reyn
Meest door ^bsgiericheyts plaghen
Ghevaen, gaen Satans treyn.

Dese hebben den ^cbuyck
Tot eenen God vercoren

Ende door lanck ghebruyck
Het ^dvolck verdooft, wilt horen
Haer ^edroomen ghehouden voren
Haer palen so verbreyt
Dese ^fvalsche Doctoren
Hebbender veel verleyt.

Tis eenen boosen aert

Elck wilt dit wel versinnen
Diet ^gduyster onghespaert
Meer dan het ^hlicht beminnen
Dees fenijnighe spinnen
Heeten ⁱhet swarte wit
Sy ^kmeynen te ontsinnen
So yemant weerstaet dit.

Tis ons int herte pijn

Datmen t'woort siet ^lverdrucken
Door eenen loosen schijn
Van ^mdese vuyle Bucken
Maer t'sal ^ohaer niet ghelucken
Sullent niet houden staen
Haren raet moet in stucken
Sullen ^pals roock vergaen.

Moghen hooren noch sien

Die haer dwaesheyt beghecken
Afgoderie vlien
Ypocrisy ontdecken

a 2.Pet.2.3.

b Esaie 5.20
Abdi.1.3.
Mich.3.2

c Phil.3.19
Rom.16.17

d Ierem.2.8

e Mat.15.9
Nah.3.4.

f Esaie 66.3

g Ioan.3.15
Psal.52.3

h Ioan.1.4

i Esaie 5.20

k Act.7.

l Esaie 66.5

m Matth.25

o Pro.14.12

p Psal.37.8
Oza.4.19.
Esa.54.17

[fol. 308v]

 

Lant en volck sy verwecken

 

Tot ^qbloetvergieten wreet

 

So ver haer macht can strecken

 

Alom sonder bescheet.

 

Dese ^rleytslieden blint

 

Die t'Hemelrijck toe sluyten

 

Voor d'andere ontsint

 

En selfs blijven daer buyten

 

Hoe sullen dese guyten

 

Die s'Heeren woort versmaen

 

Als ^sonsalighe spruyten

 

T'oordeel connen ontgaen?

 

Tis haerlieden te veel

 

Datmen ^tGods volck hoort kicken

 

Sy wildense wel gheheel

 

So sy consten, ^vop slicken

 

Zijn dit niet vrome quicken

 

Die onder t'heylich schijn

 

Gods Heylighen versticken

 

Brenghen in groot ghepijn.

 

Dit ^xaderen ghespuys

 

Om zijn quaet te verienten

 

Gantschelick neemt zijn excuys

 

Op s'Keysers Mandamenten

 

Dese valsche serpenten

 

Schudden ^yvan haerlien t'pack

 

Op Keysers en Regenten

 

Legghent dees spotters lack.

 

Ick jondet haer voorwaer

 

Dat sy tot boete quamen

 

Salich werden allegaer

 

Dees blinde t'haerder vramen

 

Dat sy haer ginghen schamen

 

Haten ^zt'sondich bedrijf

 

Ende dat zijt ernamen

 

D'hoer worde een eerbaer wijf.

q Mich.3.5
Act.3.14.
Mat.27.20

r Mat.23.13

s Matt.3.7. 22.33.

t Sap.2.15

v Ose.4.6.
Mich.3.2.
Psal.10.8

x Mat.3.7. 22.33.

y Dan.7.25.
11.36.

z Esaie 55.7
Ezech.18.27