Schriftuerlicke liedekens met noch sommighe lofsangen ende ghebeden

Een gheestelick Liedeken int amoreus.

SChoon lief, ghy zijt prijs ^aweert alleyne
Vercoren Liefken boven al
Ghy spijst ^bsiele ende lijf ghemeyne
Hier in dit aertsche dal
Dees nijdersche gheschal
Met ^chaerlieder loose treken
Sy beletten my mijn lief te spreken
Twelcke ick noch lange tijt beclaghen sal.

Schriftuere O Lief, is uwen Namen

Al ben ick seer ^dbenijt
Tonrechte lief, soudicx my schamen
Want ghy de liefste zijt
Sonder u bevrijt
En mach ick liefken niet beginnen
Helpt ^emy lieveken den strijt gewinnen
Helpt my lieveken wt desen droeven tijt.

Schoon lief al sout my moghen baten

Ter werelt menich pont
Daerom lief, en sal ick u niet laten
Al ben ick seere ^fdoorwont
Want in uwen mont
En was ^gnoyt quaet bevonden
Dit mach ick Liefken wel orconden
Alst u belieft, maeckt my ghesont.

Schoon lief, ghy hadt my wtvercoren

Eer ^hdat ick u verkoos
Ghy vont my ⁱdaer ick was verloren
Ende ick was troosteloos

a Apoc.4.32, 14.7.

b Ioan.6.32

c Psal.11.2.
Psal.34.20.
Cant.5.7.

d Mat.10.12
Luce 21.29.

e Ioan.15.5
2.Cor.3.7.

f Esa.53.5.

g 1.Pet.2.32

h Ioan.15.16

i Ephes.1.
2.Tim.14.

[fol. 294v]

 

Mijn wondekens boos

 

Hebt ^kghy ghesont ghenesen

 

Met olie ende met wijn ghepresen

 

Sorghe draecht ghy voor my altoos.

 

Princersse Lief, noyt ws ghelijcke

 

Beyde wijs, en daer toe vroet

 

Al ben ick schamel, ghy zijt rijcke

 

Tstater ^lal in u behoet

 

Maer wat ghy doet

 

Tis ^mwt ghenaden puere

 

Ghy zijt mijn lieveken reyn van natuere

 

Comen wy lieveken in allen spoet.

k Acto.16.36

l Sap.11.22

m Ephe.2.5.