Schriftuerlicke liedekens met noch sommighe lofsangen ende ghebeden

[O Vleesch, hoe hebt ghy my misleyt]

Na de wijse. Het was een meysken vroech opghestaen.

O Vleesch, hoe hebt ghy my ^amisleyt
En valschelick bedroghen
Een ^bslave ghemaeckt der boosheyt
My de vryheyt ontoghen
Die verwarf, ons als starf, ^cChristus den bitteren doot
Wt ^dgrooter liefden crachtich
Groot ^edader, goet ^fVader, noothelper ^ginder noot
Zijt ws ^hverbonts ghedachtich
Om uwen Name groot.

Tvleesch heeft my een lanck termijn

Seer grouwelick doen dolen
Mijn siele brocht ⁱin sdoots ghepijn
Gheleyt in Sathans scholen
Ick beclaecht, seer vertzaecht, eylacen nu ter tijt
Wilt mijns ^kghenadich wesen
Heer geven, verheven, door uwe goetheyt wijt
Eenen ^lnieuwen gheest ghepresen
Mijn God ghebenedijt.

O lieve ^mVader u aenschijn

Keert doch van my mijn sonden
Bewaert ⁿmy int gheloove dijn
Na en tot allen stonden
Ick bekent, ic was verblent, ^obuyten t'verbont voorwaer
Sonder God, vol onvreden

a Gal.5.16

b Rom.6.16
Ioan.8.34

c Ephes.1.7.
Col.1.14

d Ioan.15.13

e Ioan.4.1

f Esa.43.

g Iere.32.

h Psal.89.3

i Exod.19.5
Galat.5.19

k Psal.6.13. ende 51.1.

l Psal.51.12

m Psa.53.13

n 1.Pet.1.5

o Ephe.4.16

[fol. 266r]

 

Heer leert my, ^pen keert my, in uwe wegen claer

 

Vergheeft mijn ^qovertreden

 

O barmhertighe Vaer.

 

V ooren ^rneycht, O Heere ras

 

V dienaer wilt verhooren

 

En wilt my niet slaen op dit pas

 

Straffen in uwen toren

 

Int gherecht, met u knecht, ^sen wilt Heere niet gaen

 

Ghedenckt ons cranck vermoghen

 

Maer ontfaen, ^tniet versmaen, altijt lieflick bystaen

 

In al ons lieder doghen

 

Heer na ws woorts vermaen.

 

V salichmakende ^vwoort soet

 

Dat doet my tot u comen

 

Zijt mijns ghenadich ^xHeere goet

 

En wilt my niet verdomen

 

Al ist spa, al om ghena, ^ygheroepen goede Heer

 

Lieve slaet my gheen swijcke

 

Ontfermt, erbermt, vergheeft de ^zschult veel meer

 

My arm vat van ^aslijcke

 

Ellendich cranck en teer.

 

Siet mijn jammer, ^bdroefheyt, ellent

 

Druck, arbeyt sonder vruchten

 

Tquaet ^cneemt wech, weldoen in my prent

 

Merckt mijn ^dsmert, commer, suchten

 

Mijn quale, te male, is incurabel quaet

 

Vol eyselicx verseeren

 

De duyvel, doot en hel, alom voor ooghen staet

 

Wie sal mijn schande keeren

 

So ghy my ^eHeere afgaet?

 

Onghehoorsaem, ^fsondich, mismaeckt

 

In des ^gdoots strick ghevanghen

 

Met vreesen der hellen gheraeckt

 

Badt ^hick met groot verlangen

p Psal.25.4 ende 32.8.

q Psal.51

r Psal.17.1 ende 28.1.

s Psa.143.2
Exod.34.7

t Mat.11.28

v Tit.2.11.

x Psal.51.1.

y Psal.21.5

z Mat.6.12

a Eccles.7.24
Psalm 6.3
Genes.2.7

b Esa.40.6
Iob 4.1.
Psal.25.15

c Psal.22.19

d Psal.55.5

e Psa.29.1

f Iere.5.5.

g Psal.116.3

h Psal.16.10

[fol. 266v]

 

Bewaert my, en spaert my, ⁱcrachtighe Heere groot

 

Wilt mijn siele troost gheven

 

Doe ic dachte, verwachte, op Godes goetheyt bloot

 

Heeft hy my opgheheven

 

Gheholpen wter noot.

 

Hoe ^kmachmen zijn so verdult

 

Inder ^lsonden slaep gherusten?

 

Eylaes ick kent, het was mijn schult

 

Ick leefde ^mnaer t'vleeschs lusten

 

Seer belast, gh'eel ontpast, ⁿghevaen in doots ghewelt

 

Van God ghekeert ^oonsochte

 

T'was al ^pvree, so t'vleesch see, ongheloof behielt t'velt

 

T'ginck al wel, so my dochte

 

Vrees ^qwas aent zijdt ghestelt.

 

Gantsch ^rmoede, so dat my verdroot

 

Op den wech der sondaren

 

Slapende swaerlick ^sinden doot

 

Vol angst, druck en beswaren

 

Seer bange, so lange, ^tde ware Medecijn

 

My soetlick ^vontwaeckte

 

Tot hy quam, en wech nam, al de versmaetheyt mijn

 

Ick zijne ^xgoetheyt smaeckte

 

Wilde ghenadich zijn.

 

Desen swaren wech seer ^yverblent

 

Gaende als d'onvertsaechde

 

Totter doot reyckte den ent

 

Nochtans ^zmy wel behaechde

 

Berader, ^aontlader, ^baller bedructer hoop

 

Toeganck, ^cen onsen ^dvrede

 

Ons hier doet, in het goet, ^evolherden desen loop

 

Onsen pays, ^fsalichede

 

Cocht ghy gheenen ^ggoe coop.

 

Hout ^hmy op den rechten ganck

 

Coemt mijn cranckheyt te moeten

i Syr.18.10
Iere.31.16

k Psal.13.4
Po.6.4.

l Ephes.2.12

m 1.Pet.4.3
Titi 3.3.

n Rom.6.23

o Psal.38.18

p Iere.6.14

q Syr.2.36

r Pro.1.29
Sap.5.7.

s Psal.13.4

t Galat.1.10

v Psal.3.6
Cant.5.2

x Titi 3.3.
Galat.1.15

y Sap.5.7

z Pro.14.12

a Psal.16.7

b Mat.11.28

c Ephe.2.18

d Ephe.2.14
Col.1.20

e Psal.23.6

f 2.pet.1.3

g 1.Pet.1.19

h Psal.17.9

[fol. 267r]

 

Laet u woort mijn leven lanck

 

Een ⁱlicht zijn mijnder voeten

 

V waerheyt, sgeests claerheyt, die blijft my altijt by

 

Dat ick als inden ^kdaghe

 

Vaste sta, rustich ga, en niet ^len stoote my

 

Op dat ick u ^mbehaghe

 

Maeckt my van sonden ⁿvry.

 

Ghy die op sHeeren toecoemst ^owaeckt

 

In rechten gheloof brandich

 

Beneersticht uwen roep, ^pvast maeckt

 

Blijft totten eynde ^qvolstandich

 

Vlijtich schuwt, en verspuwt, svleeschs begheerten boos

 

Zijn lusten sonder ^rschromen

 

Neerstich cruyst, en verduyst, ^sen wederstaet altoos

 

Staet ^tna het volcomen

 

Aenhoort des ^vHeeren voos.

 

Ick danck u Vader menichfout

 

Der ^xgonst ende ghenaden

 

Dat ghy my ^yvoor u kint noch hout

 

Hebt niet willen versmaden

 

V goetheyt, ^zsgheests soetheyt, O Heere ick bekent

 

En is niet om ^adoorgronden

 

Vaste borcht, ^bdie daer sorcht, voor die hem tot u went

 

Wie sal u deucht ^cvermonden,

 

O Heere excellent?

 

Crachtich ^dGod, alleen heylich, wijs

 

Gheeft ^edat wy u al vreesen

 

Sterckt ons door uwes gheests jolijt

 

En laet ons hier gheen ^fweesen

 

Maer ons sent, ^gmaeckt bekent, u woort claer over al

 

Wilt elck, God int ghemeene

 

Recht geven, ^hte leven, in dit ellendich dal

 

Door ws gheests bystant reene

 

Bevrijt ons ⁱvoor misval.

i Psal.119. 105.

k Pro.3.3

l Rom.13.11

m Psal.26.11

n Ioan.8.36

o Mat.13.38
Mat.25.13

p 2.Pet.2.10

q Tiri.2.13
Coloss.2.8
Matth.24.6

r 1.Cor.6.19

s

t Hab.6.1

v Deut.8.11

x Psal.9.1

y 1.Cor.6.20

z Psal.22.25 ende 57.5
Eccles.3.8

a Sap.17.1

b Esa.25.4

c Syr.18.2

d Iere.32.18

e Eze.36.27
Zach.12.10

f Ioan.14.18

g Esaie 44.3

h Iere.32.29
Ezech.11.19

i Apoc.3.10