Schriftuerlicke liedekens met noch sommighe lofsangen ende ghebeden

[fol. 194v]

[Looft den Vader hier in dit leven]

Na de wijse. Laet ons den Lantman loven.

LOoft den Vader hier in dit leven
Zijnen Sone ghebenedijt
Die hy ons heeft ghegheven
Wy moghen wel zijn verblijt
Wy waren door ^aAdam verloren
Al weerdich t'helsche gloet
Maer ^bChristus is ons gheboren
Hy verwerft ^cons d'eewich goet
Want hy de sonde wech doet.

Adams ^dsonden heeft hy ghedraghen

Den Vader daer voor voldaen
Voor ons is hy gheslaghen
Naer Esaias vermaen
Zijn lichaem is ghebroken
En storte voor ons zijn bloet
In hem ^eso is beloken
Des vaders oevelen moet
Want hy de sonde wech doet.

De ^fghesonde niet en behoeven

Der sielen Medecijn
Die in haer misdaet bedroeven
Dien giet hy olie en wijn
In ^ghaer stinckende wonden
Door zijn barmherticheyt soet
Als Samaritaen ghesonden
Voor u sondich ghebroet
Want hy de ^hsonde wech doet.

Doot, Helle, en prickel is ⁱverslonden

Van Christus alleen dats waer
Den duyvel heeft hy ghebonden
Glorieus ^kverrees hy claer
De Prophecien doe verdulden
Wie anders leert, raest oft woet
Hy nam ^lop hem ons schulden
Door zijn gracie overvloet
Want hy de sonden ^mwech doet

Alle menschen zijn ⁿleughenachtich

a 4.Esd.7.48
Rom.5.12.
Genes.3.6.
4.Esdr.3.21

b Luce 2.7.5

c Collo.1.14
Apoc.5.9.

d Esaie 53.7.
Mat.8.17.
1.Pet.2.24.

e Co.1.19. 20.
2.Cor.5.19.
Ioan.1.14.

f Matt.9.18
Marc.2.18
Luce 5.31.

g Luc.10.34.

h Ioan.1.29

i Esaie 13.14.
2.Cor.15.54.

k Mat.28.6.

l Esaie 53.7.

m Ioan.2.2.

n Psa.116.11
Rom.3.4.

[fol. 195r]

 

Dus houdt u aen Christum alleen

 

Hy is sVaders ^owoort warachtich

 

En betrout op anders gheen

 

So wie u tot andere wijsen

 

En stelter niet eenen voet

 

Daer en can gheen ^psalicheyt rijsen

 

Dan Christum, dien looft en groet

 

Want hy de sonde wech doet.

 

Wat sullen wy den Prince schincken

 

Voor al zijn bitter leet

 

Ons beste ^qwercken voor God blincken

 

Als een maentsieck vrouwen cleet

 

Onnut en can niet stelpen

 

Ter salicheyt, weest des vroet

 

Maer Christus ^ris reedt om helpen

 

Ghelooft hem, ghy crijcht voorspoet

 

Dat hy de sonde wech doet.

 

Schenct hem een goet ootmoedich herte

 

Met een vast gheloove recht

 

Want hy droech ons ^ssmerte

 

En was onser alder knecht

 

Dus wilt hem wt liefden vreesen

 

Deylt den ^tbehoevenden van u goet

 

Helpt altijts ^vweduwen en weesen

 

Draecht voorts op Christum moet

 

Dat hy de sonde wech doet.

o Ioan.1.1.

p Act.4.11.

q Esaie 64.6

r Mat.11.28

s Esaie 53.7.
1.Pet.1.24.

t Tob.4.5.
Eccles.4.7.

v Esaie 1.17
Deut.20.18.
4.Esdr.2.20.