Schriftuerlicke liedekens met noch sommighe lofsangen ende ghebeden

[fol. 34r]

[Adam was een verloren man]

Op de wijse: Te Bruynswijck staet, etc.

ADam was een ^averloren man
Groot ^bleyt heeft hy ons gegeven an
Dat claghe ick boven maten
Verloren ^cheeft hy zijn edelheyt
Daer hy was in gheschapen.

Met Adams vleesch ben ick ghequelt

Al ^dmijn natuer is my ontstelt
Adam ^eghy doet my sterven
Ghy quelt ^fmijn gheest al totter doot
Mijn ^gsiele wilt ghy bederven.

De werelt ^hcoemt met groot gedranck

Mijn boose natuere raet my stranck
De ⁱvyant wacht op ramen
Oft hy de ure gheraken conde
Dat hy my mochte beschamen.

Keert weder, ^kkeert weder, o edel siel

Ghy hebt verloren dat schoonste prieel
Den Hemel ^lmet alle zijn lusten
Ghy coemter waerlicx nemmermeer
Het sal u moeten costen.

Het sal u costen ^mu vleesch en bloet

Al waer de werelt van goude root
Ghy soutse ⁿmoeten derven.
En slaen ^oden sondighen Adam doot
Oft ^pghy sout moeten sterven.

Daer voor is Christus leven goet

Het gheeft ^qde siele een goeden moet
Hy is voor ^rons ghestorven
Den eewighen doot ^smaeckt hy te niet
De Helle heeft hy verdorven.

Door ^tGods woort worden wy getroost

Van al onse vyanden ^vzijn wy verlost
Met vindet claer beschreven
Die gantsch van herten ^xin God ghelooft
Die heeft dat eewich leven.

Sijt ghy dan een Christen man

So neemt een ^yChristen leven an
Weest vroom ende onverslaghen

a Gen.3.6. ende 17.

b 4.Esd.7.48
Rom.5.12.

c 4.Es.8.32
Rom.3.23.

d Rom.7.17.

e 2.Sam.24.14.
Hebr.9.28.

f Sam.9.15.
Gala.5.16.

g Rom.8.5.
1.Cor.2.19.

h Ioan.2.16

i 1.Pet.5.8.
Luce 22.31.

k Eph.4.22.
Collo.3.8.
Hebr.12.1.
1.Pet.2.1.

l 4.es.3.21.22

m Rom.8.13.

n Ioan.2.15

o Collo.3.5.

p Rom.6.23.

q Ioan.3.14.

r Rom.5.6.

s Esa.25.8.

t Psa.94.19.

v Luce 1.71.

x Ioan.3.36. ende 6.47.

y Thes.5.6.
Rom.13.13.

[fol. 34v]

 

Zijn ^zjock is soet, zijn last is licht

 

Hy wilt ons helpen draghen.

 

VVeest vroyelick ^ain u wederspoet

 

Daer toe doet alle ^buwe vyanden goet

 

Doet vruchten in uwen daghen

 

En staet uwen armen ^cbroeder by

 

So sult ghy God behaghen.

 

Aldus is ^dChristus ons voor gegaen

 

Cont ghy die Schriftuer wel verstaen

 

In woorden ende oock in leven

 

Doorsiet ^eChristus exempel aen

 

Het sal u wel beweghen.

 

Gheeft ^fGod onsen Heere prijs en danc

 

Dat ^ghy de waerheyt ons maect bekant

 

Door zijnen ^hGheest van boven

 

Verleent daer toe oock zijn kinderen soet

 

Dat sy u ⁱeewich loven.

 

Prince wildy God dienen soot behoort

 

So blijft altijt by Christus woort

 

Ende wilt u daer toe keeren

 

Wat ghy uwen ^keven naesten doet

 

Dat doet ghy onsen Heere.

z Matt.1.28

a Rom.5.3.

b Ro.12.14.

c Psa.41.1.
Tobie.1.4.

d Matt.9.12.

e 1.Pet.3.18 ende 2.21.

f 1.Tim.6.16

g Apoc.3.7.

h Ioan.16.13.

i Apo.15.3.

k Mat.10.43, 25.45.