Historie van Reynaert die vos
(1892)–Anoniem Reinaerts historie (Reinaert II)–
Auteursrecht onbekend
[Folio 57v]
| |
die coninghinne Ende die gheue hem die wijsheyt te bekennen soe wie dat recht of onrecht heeft want daer leefter veel opter aerden die van buten schinen anders dan si van binnen sijn Ick woude dat god openbaerde dat elken sijn misdaet voer sijn hooft ghescreuen stonde dat liet ick mi een lief dinck costen Ende dat ghi dat heer coninck van allen saken alsoe wel wist als ick doe Hoe dat ick mi laet ende vroe in uwen dienst altoes voeghe Daer om ben ick vanden quaden teghen v mit loghentaele vermaect Alsoe si mi gheerne belasten ende van uwer hulden berouen souden mit onrecht sonder /4324-4366/ sculde Des so roepe ick wapen ouer hoer lijf ende leuen der gheenre die mi onuerscult aldusdanighen last aen doen Doch ic hope ende kenne v so beyde heer ende vrouwe dat ghi so wijs sijt ende bescheyden dat ghi mit loesheyt noch mit loghentale also niet en sijt te verleyden. dat ghi dat recht yet verdwalen laet want ghi en hebt des niet gheplegen Daer om lieue heer wilt doch alle saken nae den rechte voer uwe oghen hebben Ist in daden. of ist in spraken doet een yeghelijck recht. ick en begheer niet bet. die sculdich is die scaemt hem Men sal noch wel weten eer ic wt den hove gaen wille wie dat ick ben Ick en can niet smeeken. noch flatteeren | |
[Folio 58r]
| |
ic wil mijn hoeft altoes mit eeren ontdecken: |
|