Den Redenrijke constliefhebbers stichtelicke recreatie
(1599)–Anoniem Redenrijker constliefhebbers stichtelicke recreatie, Der–
Auteursrechtvrij
[Folio N1v]
| |
 Hier volghen noch vijthien Refereynen of den Reghel gewracht fijn,
Met so veel Liedekens die daer tusschen ghebracht zijn.
Alsulcke Bataviers overtreffen d'oude Romeyenen. | |
[Folio N2r]
| |
Haerlem int Particulier, Liedeken,Op de wijse: Lof sy u Godt hoochsten Regent, &c.Liedeken.
ICk sing O Capiteynen reyn,
V lof met al d'Helden ghemeyn,
Der vromer Batavieren.
Want ghy het deur Godts geest alleyn,
Bevrijt ons Vaderlant certeyn,
In t'spijt van dehelssche dieren:
Dies moet u lof bleyuen t'eewigher stont,
Want menighmael (eylaes) waet ghy gewont,
Daeromme soo sult draghen // ghy,
Een Crans van Lauwerieren.
| |
Refereyn.
OCh ghy oude Romeynen of ghy waert int leuen,
En most selue van dit vertoogh ghetuyghnisse gheuen,
Waer in ons Bataviers u overtreffen t'allen tijden,
Ghy sout ons opinie volghen, want sy wert ghedreuen,
Met de clare waerheyt die bouen al is verheuen,
Dus ten propooste om der seluer lof hier te belyden,
Wy en brenghen gheen helden die voor Coninghen stryden,
Maer voor de waerheyt, want sy eere hebben behaelt,
Dies henlieden oock ontmoet is een eewigh verblyden,
Want vleesch noch bloet en hebben sy niet willen myden,
Meester Rogier heeft hier also metten doodt betaelt,
Ioos de Ionghe en heeft hier in oock niet ghefaelt,
Zijn lieuer ghestoruen, dan de waerheyt willen vercleynen,
Quirin te Palme is met den seluen ganck t'leuen afgemaelt,
Alsulcke Bataviers overtreffen d'oude Romeyenen.
| |
Liedeken.V goet en hebt ghy niet ghespaert,
Maer helpt die hier sitten beswaert,
Onder t'jock der tyrannen,
t'Gheloof is in u g'openbaert,
Waer deur ghy veel daden vermaert,
Hier vrocht als Edel mannen:
Met witte Syde wert ghy al becleet,
God sal afwasschen oock u traenen heet,
Om dat ghy u tot Borghe // waeght,
En voor zijn schapen sorghe // draeght,
Druck wert van u ghebannen.
| |
[Folio N2v]
| |
Refereyn.t' Was lichtvaerdicheyt hem te verbranden met een Peert,
Maer dees hebben de waerheyt deurt geloof angheveert,
Ghestaen voor rijck CHRISTI, en niet haer vleeschelicke fame,
O liefde GODTS wat werckt ghy by de helden van u begeert,
Daers niet, noch hooghte, noch diepte dat haer deert,
Ga naar voetnoot+'t Bleeck an Cors Steffenssoon van Naeltwijck sonder blame.
Den welcken den Rentmeester antwoorde wel bequame,
Dat de waerheyt, en Godts volck niet en mocht zijn besweken
Ga naar voetnoot+t'Hooft wert hem gheslaghen vanden Lichame,
Ga naar voetnoot+En Claes Cornelissoon schoenmaker in des Heeren name,
Is oock also gestoruen en niet af gheweken,
Inden Hage hebben dese vrome Campioenen ghebleken,
Dies en sal haren lof nimmermeer veronreynen,
Waerom en soudemen dan niet vrymoedigh wtspreken,
Al sulcke Bataviers overtreffen d'oude Romeyenen.
| |
Liedeken.Ghy hebt vrywillighlick u bloet
Ghestort, en overwonnen vroet,
t'Ghewelt onser vyanden
Om behouden ons vryheyt soet,
Dies u oock prijs toe commen moet,
Hier en in allen landen:
De slauernie hebt ghy van ons gheweert,
En d'Inquisiti, die de siele deert,
Dies sult ghy triumpheren // saen,
Als ander int verneren // staen,
Met Palmtacken in d'handen,
| |
Refereyn.Wat wasser al geroep om een Romeyn die zijn hant liet branden,
Om dat hy een Prince meende te moorden met schanden,
Maer sulcx en hebben ons Bataviers noyt ghedaen,
Maer Aerent Diercxsoon tooghde hem als den vaillianden,
Riep Heere IESV verlost my uyt Satans banden,
En heeft also den doot seer lieffelick ontfaen:
Sibrand Ianssoon riep oock met wijs beraen,
Vader in uwen handen beveel ick mijnen geest nu ter noot:
Adriaen Ianssoon quam daer naer cloeck gegean,
Diens vader riep soon wilt doch stantvastigh staen,
Ga naar voetnoot+'tLeven ontgaende, seyde IESV neemt mijnen gheest nu bloot,
Wouter Simonssoon was den laetsten in dat conroot,
Sprack neemt my an O Godt: Siet watte Capiteyenen,
Die niet en verschricken noch om leuen noch om doot,
Al sulcke Bataviers overtreffen d'oude Romeynen.
| |
[Folio N3r]
| |
Liedeken.Ghy edel Capiteynen groot,
En ontsaeght swaerheyt, last noch noot,
Om Godts Volck te bevryden.
Gy gaeft u leuen in den doot,
Om overwinnen s'Vyants stoot,
V lof duyrt t'allen tijden,
Daerom sult ghy O Helden vry hier naer,
By CHRISTVS altoos zijn int leuen claer,
Om dat met hier dus u deucht // kent,
Den Vader t'uwaert dees vreucht // went,
Met een eewigh verblyden.
| |
Refereyn.Prince.
ATTILLIVS REGVLVS keerde weder in Barbarien,
En heeft aldaer den straffen doot wel willen lien,
Lieuer dan de Romeynen den Paeys souden accorderen:
Maer als wy blyuen op de daden vande Batavische sien,
So en is der Romeynen daet niet met allen te bedien,
Want t'is al ydel hope die haer doet moueren:
Heer Enghel Pastoor in Heenvliet heeft hem wel willen verneren,
Totter doot, want hy bout op een goet fondament,
t'Achtentich jaer out (O Godlick Inspireren,)Ga naar voetnoot+
Te Berghe in Henegau hebben sy hem t'leuen doen raseren:
En ghy O Ian de Backer van Woerden moet hier oock wesen bekent
Die riep, O doot waers uwen prickel, en hebbet leuen gheent,Ga naar voetnoot+
Ghelouende haest te wesen by de hemelsche fonteynen:
Concluderende, verhael ick noch den Regel ongeschent,
Al sulcke Bataviers overtreffen d'oude Romeynen.
| |
Liedeken.Prince.
Princieren helden al te saem,
Diet al stelt voor des Heeren naem,
En oock de waerheyt schoone,
Godts Wijsheyt staet u by bequaem,
Eewigh sal duyren u faem,
Hier onder s'Hemels troone:
Noyt oor en cost dees blijschap al bespien,
Noch d'oogh voorwaer en heeft ooc noyt gesien
t'Ghene dat u verlanghen // vult,
Betraut, ghy corts ontfanghen // sult,
Van Godes Hemels croone.
Treurt Niet. P. Petijt. |