Het prieel der gheestelicker melodiie

Estrénes au petit Iesvs & à la Vierge Marie.

[p. 264]

 

L’Estréne d’icy bas

 

Est chose basse,

 

Qui tot se passes;

 

Et ne merite pas

 

Qu’on s’en soucie:

 

L’estréne de là sus

 

C’est Marie & Iesus,

 

Iesus Marie.      Bis.

 

 

 

Mon petit Roy des roys,

 

I’estois en peine,

 

Pour ton estréne,

 

Où ie la trouuerois

 

Bien accomplie:

 

Ie ne veux chercher plus;

 

I’ay trouué mon Iesus

 

Pour toy Marie.      Bis.

 

 

 

Mais qu’auras tu de moy

 

Pour tes estrénes,

 

Royne des Roynes,

 

Qui soit chery de toy,

 

Vierge cherie:

 

Ie ne veux chercher plus;

 

I’ay trouué mon Iesus

 

Pour toy Marie.      Bis.

 

 

 

Prenez auec mes voeus

 

Ma double estréne,

 

Couple seraine;

 

Puis rendez moy tous deux,

 

La mesme vnie:

 

Car ie ne veux rien de plus,

 

Que Marie & Iesus,

 

Iesus Marie.      Bis.