Het prieel der gheestelicker melodiie

A l’honneur de la Nativité de nostre Seigneur.

[p. 262]

GRaces au bon petit Iesvs,

Qui de là sus

A bien daigné venir ça bas

Rendre la vie,

A nous rauie

Par son trespas.
Noel, Noel, Noel troisfois,

Resiouyssance

Pour la naissance

Du Roy des Roys.

Noel, Noel, &c.

Les messagers du Roy des cieux,

A qui mieux, mieux,

Chantans vn doux hymne de paix,

Portent la grace

A nostre race

De ses mesfaictz.

Noel, Noel, &c.

Que n’ay-ie d’aisles pour voler

Comme eux par l’air;

Pour porter par terres & mers

Cestes nouuelle,

Qui renouuelle

Tout l’vnivers.

Noel, Noel, &c.

[p. 263]

 

Ie voudroy racconter par tout,

 

De bout en bout,

 

L’histoire de l’heureux malheur

 

De nostre perte,

 

Mieux recouuerte

 

Par ce Sauueur.

 

Noel, Noel, &c.

 

Bonnes nouuelles gens de bien

 

Ne craignez rien;

 

Vostre bon Roy meu par vos pleurs,

 

Ores se charge,

 

Et vous descharge,

 

De voz douleurs.

 

Noel, Noel, &c.