Het prieel der gheestelicker melodiie

Mespris du Monde.

O Faux Monde, tes promesses
Et tes pariurez sermens,
Tes feintises, tes caresses,

[p. 258]

 

Ne pourront charmer mes sens:

 

La puissance,

 

La constance,

 

L’esperance de mon cœr,

 

Est fondée,

 

Est ancrée

 

En Iesvs moy vray Sauueur,

 

Monde va: retire toy;

 

Car tu n’auras rien sur moy.

 

Monde, &c.

 

Tu me promais des montaignes

 

Toutes d’or, tu me promais

 

De tous biens plaines campaignes

 

Des plaisirs à tout-iamais:

 

Tu abuses,

 

Tu amuses

 

Tes amans, à les flater;

 

Mais ta peine

 

Sera vaine,

 

Si tu penses atraper

 

Ceux qui te voudront fuir,

 

Pour pouuoir du ciel ioüir,

 

Ceux, &c.

 

Tu me dis, que les années

 

D’vn vieux croaillant corbeau

 

Du ciel me seront données,

 

Auant que i’entre au tombeau:

 

Qui t’asseure,

 

Que mon heure

 

Doibt tarder si longuement:

 

Que la vie

 

Soit rauie

 

A mon corps heureusement?

 

Le corbeau chantant son cras,

[p. 259]

 

M’aduertit de mon trepas.

 

Le corbeau. &c.

 

Tu me monstres les couronnes,

 

Et les thrones esleuez,

 

Les honneurs, qu’icy tu donnes

 

Aux mignons, tes plus aymez;

 

Mes la pompe,

 

Qui les trompe,

 

Les enflant de vanité,

 

N’est qu’ombrage,

 

Et nuage,

 

A ceux qui ont tout quitté.

 

Monde donc, quant à ma part

 

I’ay quitté ton estandart.

 

Monde, &c.