Het prieel der gheestelicker melodiie

[p. 251]

Regretz des amateurs de ce monde à l’heure de la mort.

VOus qui courez tousiours
Aux vanitez du monde perissable:
Vous qui tousiours batissez sur le sable
De voz folles amours;

De, &c.

Pensez vous pour iamais

Faire seiour en ceste terre basse;
Et que pour vous, la mort palle, se face
Benigne desormais?

Benigne, &c.

Vous vous abusez fort:

Il faut mourir; la verité l’asseure:
Vous ne scauez le mois, le iour, ny l’heure,
Qu’eschoira vostre sort.

Qu’eschoira, &c.

[p. 252]

 

D’un fuzeau aymantin

 

Les soeurs ont soing de filer nostre vie:

 

Mais ô malheur, ains qu’elle soit ourdie,

 

Atropos y met fin.

 

Atropos, &c.

 

Las! le voy de cent tours

 

Voller sur moy ceste Parque cruelle;

 

Pour m’assener de la flesche mortelle,

 

Sans espoir de secours.

 

Sans, &c.

 

Ha cruell’ Atropos!

 

Veux tu si tost de ma chair te repaistre?

 

Ne me veux tu vn quart d’heure permettre

 

Iouyr de mon repos?

 

Iouyr, &c.

 

Helas coeur inhumain!

 

Que dis-ie coeur, ains plutost vne roche,

 

Ie fremis tot, quand de moy tu t’approche;

 

Retire vn peu ta main.

 

Retire, &c.

 

Non tu n’en feras rien;

 

Tu as iuré ma ruine totale:

 

Tu veux en fin dans l’vmbre sepulchrale

 

Me priuer de mon bien.

 

Me, &c.

 

Ie n’ay autre confort,

 

Sinon les pleurs, les souspirs & les larmes,

 

L’effroy, la peur, les frequentes alarmes

 

Des abbois de la mort.

 

Des, &c.

 

Quoy! fault-il qu’au tombeau

 

Mes os moelleux de leur chair se despouillent?

 

Et que les vers, & pourriture, soüillent

 

Tot ce que i’ay de beau? Tout, &c.

[p. 253]

 

Ie tremble en y pensant;

 

D’horreur, le poil dessus mon chef se dresse:

 

Et si ne puy (tant la douleur me presse)

 

Trouuer rien de plaisant.

 

Trouuer, &c.

 

Mais de quoy m’ont seruy

 

Les ieux mignards, les plaisirs, les delices,

 

Les voluptez, & les douces blandices?

 

Tot s’est euanouy.

 

Tout, &c.

 

O miserable chair!

 

Ie t’ay seruy d’vn esprit trop folastre:

 

Ie t’adorois ainsi qu’vn idolatre;

 

Mais tu le me vendz cher.

 

Mais, &c.

 

He qu’ay-ie raporté!

 

Te caressant, si non la fie bure grosse,

 

Qui peu à peu creuze & mine la fosse,

 

Où ie feray ietté.

 

Où ie, &c.

 

Adieu donc, Monde, Adieu,

 

Tu m’as trompé en te faissant seruice:

 

Tu m’as plongé au gouffreux precipice

 

Des iugemens de Dieu.

 

Des, etc.