Het prieel der gheestelicker melodiie

[p. 249]

De la vanité de ce monde.

ADieu monde, adieu le bon temps,
Adieu les plaisirs de ieunesse;
Auec vous i’ay fait mon printemps:
Ie m’en voy render à la viellesse.

Tel auiourd’huy cuide estre sain,

Qui porte la mort en son sein.

C’est bien s’abuser follement

Que passer bien sa vie en delices:
Il n’y a nul contentement
A sucçer le sucre des vices.

Tel auiourdhuy, &c.

[p. 250]

 

Que sert il de viure mill’ ans,

 

Riche, noble, puissant & sage;

 

Si l’ame, au partir de ceans,

 

N’a que malheur pour son partage.

 

Tel auiourd’huy, &c.

 

La chair n’est que pasture aux vers,

 

Que puanteur & pourriture:

 

Quoy que les homes soient diuers,

 

Tout s’esgale àla sepulture.

 

Tel auiourd’huy, &c.

 

Les vertus sont nostre main,

 

Dieu sa grace y met, nous la peine:

 

Faut il perdre vn bien souuerain,

 

Pour vne vanité mondaine?

 

Tel auiourd’huy, &c.

 

Les rosiers sont bien espineux,

 

Mais ils portent des belles roses:

 

Et soubs l’exercise peneux

 

Les belles vertus sont enclose.

 

Tel auiourd’huy, &c.

 

L’amour du monde est plein d’ennuy,

 

Traistre, meutrier, feinct & volage:

 

Hors du sens est qui auec luy

 

Veut finir son pelerinage.

 

Tel auiourd’huy, &c.

 

Puis que’il nous faut tout viure icy

 

A la sueur de nostre face;

 

Employons tout nostre soucy

 

Pour auoir au ciel bonnen place.

 

Tel auiourd’huy, &c.