Het prieel der gheestelicker melodiie

[p. 247]

Ode à l’honneur de nostre Dame.

SVs Muse, d’vn bien humble vers
Le sinct los de Marie entonne:
Et toy Royne de l’vniuers
Entendz ma Lyre qui te sonne.

Et toy, &c.

Il faict beau veoir dans vn iardin

Au premier resueil de l’Aurore,
La Rose fille du matin
Peu à peu son beau sein esclore.

La Rose.

Il faict beau veoir aussi le Lis

Ouurir ses leures blanchissantes;
Et les retordre en diuers plis,
Pour mostrer ses fleurs iaunissantes.

Et les, &c.

Mais nostre Virginale Fleur

Marie gracieuse & belle,

[p. 248]

 

En teinct, odeur plein de douceur,

 

Passe toute beauté mortelle.

 

En teint, &c.

 

Au jardin clos de toute part

 

De la diuine prescience,

 

Fut plantée seule à l’escart

 

Veste belle fleur d’excellence.

 

Fut plantée, &c.

 

Ce Iardinier tres-souuerain,

 

Qui de rien ce grand tout fit naistre,

 

La planta de sa proper main:

 

Digne chef d’oevre d’vn tel Maitre

 

La plants, &c.

 

Nostre printemps n’estoit pas né,

 

Ceste fleur estoit desia née:

 

Desia Dieu luy auoit donné

 

Sa grace, à null’ autre donnée.

 

Desia.

 

Ie te salue saincte fleur,

 

Fleur plus vermeille que la Rose,

 

Fleur plus sincere en ta candeur

 

Que le Lis & toute autre chose.

 

Fleur, &c.

 

Fleur plus doucette que tout miel,

 

Fleur plus que tout musq doux-flairante,

 

Plus haute que le plus haut ciel,

 

Fleur des fleurs touiours fleurissantes:

 

Plus, &c.

 

Accorde moy ceste faueur,

 

Fleur, l’heur & l’honneur de ta race,

 

Que tousiours fleurisse en mon coeur

 

Quelque reiecton de ta grace.

 

Que, &c.