Het prieel der gheestelicker melodiie

[p. 245]

De l’amour Diuin.

BIenheureuse est vn’ame,
Où nul vice n’a lieu,
Qui iamais ne s’enflame,
Que de l’amour de Dieu:

Et d’vn desdain

Reiette l’artifice,

De la caute malice

De tout homme mondain.

Et d’vn, &c.

L’ame qui sur Dieu sonde

Le bien de son espoir,
Ne craint pas que le monde
La puisse decevoir:

Le seul desir

De l’immortelle grace,

[p. 246]

 

Le soing en elle efface

 

De tout autre plaisir.

 

Le seul, &c.

 

Vn’ ame est bien heureuse

 

Qui fuit la vanité

 

De la flamme amoureuse,

 

Gardant sa liberté:

 

La passion

 

De l’amour folle & vaine,

 

L’ ame à la fin ameine

 

A sa damnation.

 

La passion, &c.

 

Toute ame qui s’arrache

 

De la mondanité,

 

Et qui à Dieu s’attache

 

Pere de verité:

 

Acquiert aux cieux

 

Vne place asseurée,

 

D’vn repos de durée;

 

Que peut on auoir mieux?

 

Acquiert, &c.

 

Que doncques noz pensees

 

Soyent tousiours desormais

 

A Dieu seul addressees,

 

Pour l’aymer à iamais:

 

Tout autre appuy

 

N’est que vaine esperance,

 

Mais la vray asseurance

 

N’a fondement qu’en luy.

 

Tout, &c.