Het prieel der gheestelicker melodiie

Pour demander à Dieu la grace de garder ses commandemens.

[p. 244]

 

MOn Dieu donné moy vostre grace,

 

Pour accomplir voz sainctes loix:

 

I’ay à promettre assez de voix;

 

Mais à tenir peu d’efficace.

 

I’ay, &c.

 

Voyez ô Seigneur ma foiblesse,

 

Prenez pitie de ma langueur:

 

Creez en moy vn nouueau coeur,

 

Pleyn de vostre amour & liesse.

 

Creez, &c.

 

Ayez pitie de ma misere,

 

Et pardonnez à mes delictz:

 

Voicy vostre prodigue filz,

 

Soyez moy doux & bening Pere,

 

Voicy, &c.

 

Si quelquefois aux creatures

 

I’ay recerché quelque confort:

 

Cela me contristoit plus fort:

 

Et toutes choses m’estoient dures.

 

Cela, &c.

 

Vous aymer mon Dieu, & vous craindre,

 

He combien est cela grand heur!

 

Mais combien est ce grand malheur,

 

Si l’home vient voz loix enfraindre.

 

Mais, &c.

 

Faictes moy donc en fin la grace

 

De faire ce que commandez:

 

Et commandez ce que voulez,

 

Il n’y à rien que ie ne face.

 

Et, &c.