Het prieel der gheestelicker melodiie

☞ Een ander,

Op de wijse: Alsoo’t beghint.

[p. 153]

BEreyt v huys terstondt,
Niet langh’ en meuchdy leuen:
Al sijdy nu ghesont,
Schoonheyt sal v begheuen:
Al zijdy schoon oft rijck,
Ten mach niet langhe duern:
Hy staet seer wanckelijck
Die rust op creaturen.

Alst Godt den Heer’ belieft

Moeten wy van hier scheyden,
Al ist dat ongherieft,
Men sal naer v niet beyden:
Want ghy sult bitterlijck
De doot moeten besueren.

Hy staet, etc.

‘tSy edel oft vileyn,

Hoe meuchdy v verblijden?
Ghy moet toch (t’is certeyn)
Nu oft hier naermaels lijden:
(Wy en zijn niet dan slijck)
Het sal alsoo ghebueren.

Hy staet, etc.

V bidd’ ick reyne Maecht,

[p. 154]

 

Godts Moeder uytuerkoren,

 

Dat ghy van my veriaecht

 

Des vijants quaet bekoren:

 

En weest my troostelijck

 

In mijner laetster uren.

 

Hy staet, etc.