Het prieel der gheestelicker melodiie

[p. XI]

De egregia Brugensivm
puerorum infantiumq́ue pietate.

Ad reverendissimum Carol.
Phil. Rodovanium
Bruganae vrbis Episcopum.

BRugae vetustae Protômysta nobilis,
Carole Philippe Rodouanidum decus,
Mirare mecum pusiones Brugicos,
Adeoq́ue plenos mentis intellectulos
Primis in annis. Ecce qui certo pede
Signare nondum lubricam sciunt humum;
Non ore totum fabricare verbulum,
Infante buccula in Dei laudes meant:
Et Vni-Trinum Fulminatorem sonant,
Fabrumque Coeli Ieson, & terris fabrum,
Puerperamq́ue Virginem, & sursum pijs
Secreta Templa, & suppedaneas domos;
Sine carne Mauros, & et cygneos Angelos:

[p. XII]

 

Niueumq́ue Fas, & Criminis nigrum Nefas,

 

Haec cuncta, quae vel saepe nescit vltima,

 

Hic prima vita nouit; haec quadrimuli

 

Haec trimuliq́ue, bimuliq́ue cantitant.

 

Crede Rodovane Carole, & credis, scio;

 

Nusquam, Leonis Belgici, per oppida,

 

Bullata, lactens, tenera, plus aetas sapit

 

Sapuere quondam serius, viri Phryges,

 

Hic nec puelli serò, Carole, sapient.

G. L. V.