Parnassus, dat is den Blijen-bergh

Vanden Gheestelijcken jagher.

Op de wijse: Claes inden candelaer is soo prat.

Wel op, wel op ick wil ter jacht
Nemen op de herten acht
Steckt met sporen, blaest den horen
Neempt den swijn-spriet in u hant
En met vlijt u netten spant.

Het herte altijdt vluchten wilt,

Deur de bosschen onghestilt,
Loopt en rennet // niet en kennet,
Oft het vyant is oft niet
Die’t van verre comen siet.

Sullen dan u de boomen dicht

Decken ‘thert veur mijn ghesicht,
Sullen de baren // u bewaren,
Sal het loef, oft sal het riet,
Maken dat ick u vinde niet.

O neen ick en kan sien over al,

Deur de berghen, bos en dal,
Neempt u ganghen // laet u vanghen,
Tot den jagher, en bidt ghena
Eer hy den swijnspriet deur u sla.

Om u te dooden en jaghe ick niet,

Ick com’ u helpen uyt verdriet,
Vwe wonden // wel verbonden:
Sullen van de handen mijn

[p. 93]

 

Ontfanghen olij ende wijn.

 

Christus de Heer jaghet sterck

 

‘Tsondigh hert al naer de kerck,

 

Om te gheven // ’teeuwich leven:

 

Laet u vanghen en gheeft u bloot,

 

Soo sult ghy leven naer de doot.

A.I.