Parnassus, dat is den Blijen-bergh
(1623)–Anoniem Parnassus, dat is den Blijen-bergh–
Auteursrechtvrij
[pagina 83]
| |
Op de wijse: Mijn lievek’n en ick.O edel creatuer
Met recht mach ick wel claghen
Dat ghy zijt alsoo stuer
Mijn jock niet en wilt draghen
O mensch waerom en wildy my niet dienen
En ick ben, En ick ben, Ick ken doch uwen Heer.
Van een cleyn clontken eerdt
Heb ick u eerst gheschapen,
Meynd; dat my niet en deerdt
Dat ghy wordt ’s vyandts knapen.
O mensch, etc.
Oock reden en verstandt
Met u vijf sinnen claere
Heb ick in u gheplant
Tot mijnen dienst veurtwaere.
O mensch, etc.
Die sonne, sterr’ en maen,
En d’Enghelsche creatuere
Tot uwen dienst oock staen,
O edel schoon figuere.
O mensch, etc.
Noch heb ick u veurwaer
Al in mijn handt gheschreven
En oock soo wel bewaert
Al wout ghy my begheven.
O mensch, etc.
En drijenderich jaer
Heb ick veur u ghetreden,
Soo menighen voorstap swaer
Om u te maken vrede.
O mensch, etc.
| |
[pagina 84]
| |
Ick heb my laten slaen
Aen’t cruys met groote smerten;
Ick wierdt open ghedaen
De deure van mijnder herten.
O mensch, etc.
Ick heb u daer ghetoont
Mijn liefde onghemeten,
Aen mijn vader versoont
O mensch, dit moet ghy weten.
O mensch, etc.
Noch hebbe ick u bewaert
Een croon van grooter weerden,
Ist dat ghy onvervaert
My dient hier op der eerden.
Hierom o mensch
Wilt my toch neerstich dienen
Want ick ben toch uwen Heer. Amen.
Noyt oogh en heeft ghesien
Noyt sin en cost gronderen
Hoe dat ick selver dien,
Die met my iubeleren.
Hierom, etc.
Ick roep nu minnelijck
Wilt u niet excuseren
Oft ghy sult eeuwelijck
Hier namaels lamenteren:
Hierom, etc.
P.I.V.T. |
|